مداخلتي البحثية عن #الصالونات_الثقافية في #المؤتمر_العام_لأدباء_مصر

بعد ما هللنا كتير عن البحث العظيم اللي قدمناه في المؤتمر
جه وقت الفضايح وإني أشارككم الإنجاز العظيم اللي أنا عملته 😁
أنا من يومها مشفتش الفيديو ولسة شايفاه وأنا بظبطه للنشر
فوجئت الصراحة بالأداء الفظيع اللي أنا فيه
ومش فاهمة الحقيقة هم صبروا عليا إزاي لحد ما خلصت
يعني سبحان من صبرهم والله
وواضح إن المنصة مكنتش طايقاني وبيبصولي اللي هو ايه اللي هي بتهبله ده 🧐
وكنت بجري ورا الكلام عشان ألحق أقول أكبر قدر من البحث قبل ما الوقت يخلص وريقي نشف وكنت بنهج وحاجة آخر مرار والله 🥲
بس يشفع لي برضه إن دي أول مرة (أو تاني مرة) في حياتي يعني لو حسبنا مرة الجامعة
ده أنا حتى في نادي الأدب عمري ما حاضرت في ندوة أقوم أطلع مؤتمر بحاله 🥹
حتى يوم ما ناقشت مجموعتي القصصية سواء في نادي أدب قصر ثقافة روض الفرج أو نادي القصة بأسيوط محدش ساب لي الحديدة دقيقتين ع بعض قاعدة زي الهبلة ع المنصة ببتسم لأي حد يتكلم وخلاص فكتر خيري برضه يعني 😇

#المؤتمر_العام_لأدباء_مصر_37
#الصالونات_الثقافية_في_المجتمعات_المحلية_تحديات_الواقع_ونظرة_مستقبلية صالون آفاق الثقافي بأسيوط نموذجاً
#إنجازاتي
#صفحات_من_حياتي
#سارة_الليثي